Македонска Алпинистичка Федерација

Monday, 20 February 2012 18:20

Пред неколку дена од Австрија се вратија членовите на Македонската алпинистичка федерација, кои имаа за цел да направат искачувања на мразевите во областа Малта Каринтија.

Во акцијата учествуваа шест членови:  Ристе Калинов, Крунослав Аџиевски, Илија Циривири, Здравко Спасев, Владимир Цветкоски и Жикица Ивановски. Акцијата  е дел од програмата за работа на Македонската Алпинистичка Федерација за 2012 година.

Беше најавена од комисијата за обука пред извесен период и се изведе во вкупно времетрање од 7 дена.
Целта на акцијата беше запознавање на локалитетот, искачување на алпинистички насоки и стекнување искуство во странски алпинистички центри.

Прочитај повеќе

За време на викендот 24-25 декември, во Скопје се одржа алпинистички собир, чија програма беше качување по слободен избор на Матка (во текот на денот во Сабота и Недела) и работна средба со сите членови на Македонската Алпинистичка Федерација (МАФ) – во Саботата вечер во просториите на Медицинскиот факултет во Скопје.

Со оглед на тоа што ова беше последен викенд во оваа година која изминува, најважен дел од овој собир беше токму состанокот кој беше организиран со цел Управниот одбор (УО) на МАФ со сите членови, алпинисти од сите клубови при МАФ заедно, да се потсетат на сработеното во оваа година (реализирани активности, собири, акции и сл.), но и да се претстават последните работни и организациски активности.

Прочитај повеќе..

Tuesday, 15 November 2011 21:23

На 13-ти ноември (Недела) на алпинистичкиот локалитет во близината на градот Демир Капија се одржа еднодневен алпинистички собир. Иако истиот беше планиран да се одржи во текот на двата дена од викендот, сепак поради нестабилни временски услови во Саботата, а земајќи го во предвид карактерот на собирот (присуство на разни категории на алпинисти) – истиот беше презакажан за само еден ден.

Сепак и тој ден беше одлично искористен. На него учествуваа 14 алпинисти, претставници на 5 клуба при Македонската Алпинистичка Федерација (МАФ) и при тоа беа направени искачувања на 6 различни насоки. Од присутните, петмина прв пат имаа можност да качуваат на овој локалитет при тоа поминувајќи и по две долги насоки, а други двајца искачија за нив до тогаш неискачена насока.

Искачувањата на насоки - по наврски:

„Б2“

Тања Пенева / Крунослав Аџиевски

Темјана Ефтимова / Ристе Калинов

Елена Диновска / Весна Талевска

Бобан Стојанов / Горан Самоников

Прочитај повеќе..

Sunday, 30 October 2011 21:43

Вчера, во Сабота на 29 Октомври се случија неколку важни настани за македонскиот алпинизам.

Прво, како што беше и претходно најавено, Игор Талевски имаше презентација на тема ‘‘За стилот‘‘ која всушност беше одбрана на инструкторски труд. Согласно со новите одредби од алпинистичкиот правилник, изменета е постапката за стекнување на највисокиот алпинистички назив - Инструктор по алпинизам. Покрај исполнување на одредбите кои се предвидени во правилникот, верификацијата на називот Инструктор по алпинизам се врши со одбрана на труд - истражување од областа на алпинизмот.

Прочитај повеќе

Wednesday, 26 October 2011 18:41

Наредниот викенд ќе се одржи алпинистички собир кој ќе биде од комбиниран тип, ќе има качување, а во Сабота во попладневните и вечерните часови ќе се одржат предавања и презентации.

Качувачките активности ќе се одвиваат на Матка, а теоретските предавања, презентации и дискусии, ќе бидат во Скопје, во основното училиште Вера Циривири - Трена, во Сабота од 16.00 до 20.00 часот.

Во продолжение следува програмата за собирот:

Прочитај повеќе

ОДЛОЖУВАЊЕ НА АЛПИНИСТИЧКИОТ СОБИР НА МАТКА

Собирот што требаше да се одржи на 1 и 2 Октомври 2011 година на Матка, се одложува заради ангажираност на поголемиот број од алпинистите во активности кои се од претходно закажани. Одржувањето на првиот нареден алпинистички собир ќе биде дефинирано во текот на наредните денови и информација за истиот ќе биде објавена на веб страната на Македонската алпинистичка федерација.

Дополнителни информации може да се добијат во Македонската алпинистичка федерација.